نجوى إبراهيم في أزمـة كبيرة صرحت «ماما نجوى» بالراديو انها مصـابة بمرض خطيـر جدا..«أنا ھموت قريب»

أثار ما حدث مع الفنانة والإعلامية الكبيرة نجوى إبراهيم الشهيرة بـ"ماما نجوى" تفاعلا بين رواد مواقع التواصل الاجتماعي المختلفة، عقب ردها على منتقديها ومطالبة البعض لها بالاعتزال.

وردت "ماما نجوى" على ما حدث، في إحدى حلقاتها ببرنامجها الإذاعي  الذي تقدمه عبر ، قائلة: "لأول مرة أقرأ التعليقات.. يا نهار أبيض على اللي اتقال، روحوا يا جماعة اتعالجوا، عايزني اعتزل؟، ضروري هعتزل، أنا عندي 80 سنة، وعندي سرطانات وأجريت عمليات عديدة وسأموت قريبا".

وأضافت نجوى إبراهيم: "هناك أناس يستكثرون الابتسامة على الوجوه، يستكثرون الصيت ولا الغنى، ماذا تريدون؟، إيه اللي يريحكم؟"، متابعة: هدوا نفسكم شوية أنا مش جاية أعمل مستقبل وأربي عيالي، أنا جاية فرحانة بيكم وبتونس بيكم.. حبوا بعض شوية".

وجاءت تعليقات الجمهور عما حدث مع "ماما نجوى"، كالتالي، حيث كتبت رنا سليم: "ماما نجوى - عصافير الجنة.. جزء مهم جدا من ذكرياتنا مرتبط بيها وجزء كبير من قيمنا اللي متمسكين بيها لغاية دلوقتي ترسخ بسببها وجزء كبير من أخلاقنا كانت هي سبب من أسبابه، فخورة اني كنت من الأجيال اللي عاصرتها في عز مجدها وفخورة بيها وبتمسكها بالشياكة والذوق والرقي في زمن المسخ".

وكتبت أسماء: "ماما نجوى.. الزهرة المشرقة اللي كلها أمل وتفاؤل وضحكة طفولية صادقة جدا مش هتكلم عن افتقاد الأجيال الحالية للي اتربينا عليه من قيم جميلة على ايديكي وشخصية بقلظ اللي عاشت معانا وكبرنا عليها بس كل اللي أقدر أقوله متزعليش.. صحيح الزمن اختلف وبقي في جيل واضح جدا أنه محدش تعب في تربيته".

وكتبت شاهي: "ماما نجوى.. ماما نجوى، انتي شخصية جميلة جدا وفي ناس كتير أوي بتحبك..بس في ناس مريضة نفسيا، مش بتعرف تحب حتى نفسها، ربنا يديكي الصحة والعافية وطول العمر ويديم عليكي حب الناس.. دي نعمة من عند ربنا".

وكتبت أميرة الشريف: "صحيح رب ضارة نافعة ممكن أوي اللي حصل ده بينبهنا احنا اللي بنحبها واتربينا على إيديها اننا نقولها قد إيه بنحبها وقد إيه تهمنا وقد إيه ربتنا واننا كبرنا على كل الذوق والأخلاق والقيم اللي زرعتها فينا بكل بساطة وبسمة وأناقة الكلمة والفعل إنها أثر جميل، ماما نجوى".

وكتبت وداد: "ماما نجوى..أول حاجة جميلة فتحت عيني عليها.. مدينة ليها بكل حاجه لطيفه باعملها بتلقائيه زي ماهي علمتنا بلطافه وسلاسه بحكاياتها مع بقلظ ..قرب يبقي عندنا احفاد وهتفضل هي ماما نجوي الجميله اللي كنا بنستني الارسال يبتدي علشان نشوفها ربنا يديها الصحه والعمر ويرحم الجميل سيد عزمي".