مشكلة أمي مريضه و عاجزة و زوجتي مش طايقاها المشكلة كامله
اسمعوا مشكلتي وقوليلي علي حل لان دماغي تعبت من كتر التفكير مش عارف أعمل إيه ياريت تساعدوني انا مشكلتي ان انا اخ وحيد لبنتين متزوج وعندي طفل سنه ومراتي حامل وماما هي أغلي شئ في حياتي ضحت عشانا كتير لا اتخيل حياتي بدونها عندها ٦٨ عام عايشه معايا مريضه مش بتتحرك غير علي الحمام
وفي وقت الشغل
في حد بيجي يخدم امي ويقعد معاهاويلبي احتياجتها ويديها الدواء ويهتم بيها ويراعيها لحد مانرجع من الشغل انا ومراتي (انا شغلي من الصبح ممكن لحد الساعه ٧ ومراتي شغلها ممكن من ١٢ ل٥) وابني بنسيبه لمربيه فبيتها عشان تهتم بيه وتراعيه في وقت الشغل بتاعنا
انا شايل ماما
عندي علي طول لان زوج اختي الكبيره مارضيش ان ماما تقعد معاها او حتي تقعد بالتبادل بيني وبينهم احنا فترة وهما فترة مثلا ومارضتش اطلعها من عندي تاني غير أوقات لو سافرت بتروح يومين تلاته عند اختي الصغيره …
المشكله اننا بحاول
اشيل حمول كتير وبتعب جسديا ونفسيا وبحاول اخفف علي الكل وماحدش بيخفف عني حتي مراتي الفتره الاخيره بقيت مش طايقه وجود امي معايا فالشقه وع طول مضايقه من وجودها وتصرفاتها وبتكشر فوشها وبقي واضح من معاملتها انها مش طايقة أمي فالبيت
وشايفه ان اخواتي
هما السبب فالضغطه اللي احنا فيها لانهم مش راضيين ياخدوها عندهم فتره واحنا فترة ومحملاني انا الذنب ده وبنتخانق علي طول اخر فتره
مع ان الجليسه اللي انا جايبها
بتاكلها وتديها العلاج
وتحميها فوقت عدم وجودنا فالشقه وانا مش عارف اعمل ايه اضحي و اهين امي واخليها تقعد عند ازواج اخواتي اللي رافضين وجود امي عندهم حتي لو فتوة قليلة من وقت للتان ولا اخرب بيتي ويحصل مشاكل بيني وبين مراتي
ولا اعمل ايه
ياريت تساعدوني وتقولولي حل لان الاتنين غاليين عندي ومش عارف ارضي مين فيهم ولا اجي ع مين فيهم عشان خاطر مين أنا فحيرة من إمري خايف اقصر فحق امي تغصب عليا وربنا يعاقبني ع تقصيري من ناحيتها
ولا اقصر فحق مراتي
وتطلب الطلاق وتمشي وتسيبلي البيت وتحرمني من ابني ال هو اغلي حاجه فحياتي من فضلكم ساعدوني
تمت اذا اعجبتكم قولولنا رايكم في التعليقات
ان انتهيتم من القراءه صلوا على خير خلق الله
والله هيرضيكم . صلى الله عليه وسلم.
